عوّدت نفسي كل ماشددت لليمّه ركاب
ما أصد وجهي عن طريق إلا لياجبت
خبره
أن روّحوا فأنا بري منهم ليوم الحساب
وإن جرحوا قولوا لهم ماحركوا
فيّ إشعره
شفهم لهم حول السنه ولا خذوا مني جواب
أحسن دوا للي يحاول
يستفزك تحقره
ماكنت أحاتيهم صغيّير ..عاد أحاتيهم شباب
الصاحب اللي ما
أذخره لليوم الأسود ما أذخره
شفني جمعت أوراقهم بكتاب وأغلقت الكتاب
ياوقت لم اللي تلمه وأنثر اللي تنثره
اللي يخاف من الظما يترك لنا طرد
السراب
واللي ماهو بقد الظلام ووحشته لايسهره
عقب أكتئاب البارحه ماعاد
انا حمل إكتئاب
الطيب جرجرني وانا ماني بناقص جرجره
انا تجرعت الظما لين
أحترق وجهي وذاب
انا كسرت بخاطري قبل الصداقه تكسره
انا خسرت اللي غيابه
غير عن كل الغياب
انا غفرت لعلام ٍ ماتستحق المغفره
انا أكثر أنسان تعلم
من كثر ماأخطأ وصاب
انا أخر لسان يتكلم في زمان الثرثره
انا القصيد اللي
فزع من دفتره مليون ناب
وانا الوحيد اللي جمع مليون ناب بدفتره
جفني
وجرّحه السهر ، حيلي وهدّته الصعاب
دمعي هدر،ضحكي ندر،عمري وضيعت
أكثره
شيب بعقول العرب..هيبت روس ٍ ماتهاب
جمهرت ناس ٍ عمرهم مايعرفون
الجمهره
ماصرت ذيب إلا لأن اللي تحدوني ذياب
ما كنت أغيب إلا لأن العفو
عند المقدره
ترى حلاتك لاحملت لصاحبك كلمة عتاب
أن مانطقت بها بوجهه
ماتذمه بظهره
في هالزمن مايملي عيون الحسود إلا التراب
والا الحظيظ..
الطلقه اللي ماتصيبه تذعره
ودك اليا من جاتك الغلطه من الناس القراب
الصاحب اللي ماكسبت محبته ماتخسره
والسلام ختام
موضوع: الصحبة والصداقة والخيانة 
