سم الله الرحمن الرحيم
حبيت اوريكو اغلبنا بقي ازاي وايه اللي وصلنا لكدا
ياتاري الغلط فينا احنا؟؟؟؟؟؟؟؟؟؟؟
ولا بردو هنقول غلطة الزمن؟؟؟؟؟؟؟؟؟
عموما اتفرج و احكم بنفسك بس خليك عادل شويــــــــة
ياعينى على شباب اليومين دول
كل شئ عندهم مستحيل
ولا شئ فى عيونهم جميل
شاطرين يحكو حكايات
ويضحكو ع البنات
ويستنوا ع النصيات
ويعملوا فى مسلسلات
وبيقولوا ناقصهم حاجات وحاجات
ولو اتكلمنا معاهم كله سكات
عندهم الكل اختل
والشباب فى نظرهم بيتزل
والحياه دايره ع الكل
ولبسهم بقى عجيب
وكلامهم بقى غريب
وبالكلاكسات بيب بيب
الدنيا مش كارهاك
دى حتى ممكن تكون فاهماك
اكتر منك وعايزاك
احسن من كده ملاك
احسبها تانى وتالت كمان
وشوفهم كانوا عايشين ازاى زمان
يمكن تحس بالامان
ولنفسك واهلك ومالك وبلدك تصون
ولا تفكر فى يوم تخون
بدل ما تحس ان العمر بيروح
وكل اللى خته من الدنيا جروح
وما تبقاش تعيش فى الاوهام
وألا على الدنيا وشبابنا السلام
الفرق بين شباب زمان وشباب اليومين دول
البنت لما حد يسألها..إنتى مخطوبة؟
زمان:- لسه ربنا مأذنش,وعينها فى الأرض ووشها يحمر.
دلوقتي:- لأ ليه عندك عريس؟إيدي على كتفك..ناس معندهاش نظر.طيب متشيل انت
*الولد داخل على باباه ياخد مصروف الاسبوع
زمان:- ممكن يقول لمامته هى تقول لباباه انه عايز المصروف لانه محرج انه يطلب كده من باباه وخايف منه.
دلوقتى:-
إيه يا مان احنا النهاردة كام فى الشهر ؟ انت مش هتأبجني ولا إيه حكايتك
بالظبط ؟ يالا اختصر عشان معنديش وقت وصاحبي بيرنلي عشان انزل.ايه يا عم
انت وقعت على ودانك وانت صغير ولا ايه ؟مش سامعني يعني ؟ عايز
الفلوووووووس...المونيـــــــــــــــــــــــــــــ ــى
*خروج الولد وموعد رجوعه البيت
زمان:- كان ممنوع التأخير ولو اتأخر يبقى لسبب قهري مع ابداء الاسباب والاعتذار الفوري.
دلوقتي:-
تلاقي الولد داخل الساعة 1 صباحاً ,باباه يقوله كويس انك متأخرتش
النهاردة!!,يرد الولد تأخير ايه يا مان أنا طالع اغير هدومي ونازل تاني
,انا وكام واحد من اصحابي عندنا ماتش كده على الماشي .خش انت نام ومتقلقش
وانا مش هتأخر...الاب نام وصحي ونزل يصلي الفجر وهو راجع يلاقي ابنه عند
بتاع الفول بياكل !! ايه يابني انت لسه مروحتش؟ يرد الولد اهلااااا
بالكبير اوى
معلش بأه الماتش سخن اصله ولسه خلصان ولا ايه يا جماعة؟؟ كله يهز راسه
بالموافقة وبؤه مليان اكل ,,يكمل الولد بعدين لقينا عصافير بطننا
(بتنعر!!)قلنا نسدها بأه . :
دخول الاب البيت
زمان:-
يسمعوا بس صوت باباهم من بعيد كله يقوم مرعوب واللى فى ايده حاجة يسيبها
ويستقبلوا باباهم على الباب ولو معاه حاجة يشيلوها عنه.
دلوقتى:-
الولد قاعد قدام الكمبيوتر او بيتفرج على ماتش كورة ، البنت بتتكلم فى
التليفون (مش فاضيين يعملوا ايه !!) الاب على الباب بيخبط (مع العلم ان
الاب ليه خبطة مميزة يعني عارفين انه اللى على الباب)
الاب خبط مرة واتنين ويرن الجرس فين وفين البنت اخدت بالها ان فى حد
بيخبط,,انت يابني متسيب اللي في ايدك ده وتروح تفتح لبابا,,يرد الاخ نعم
هاخد اوامر منك اظن؟؟؟ ما تقومي انتى ياختي بدل الرغي اللى مالوش
لازمة,,ترد نعم؟؟على الاقل انا بتكلم فى التليفون اقول ايه لصاحبتي يعني
؟؟انما انت مبتعملش حاجة ماتقوم انت ولا انت لازم تمارس دور راجل البيت
وخلاص؟؟يرد ماتعدلي كلامك معايا انا اخوكي والولد هنا وكلامي لازم
يتسمع...ترد على العموم بابا معاه مفتاح وتلاقيه شوية وهيفتح بيه ولا
الحوجة ليك يا اخويا.
*نزول الولد لشراء احتياجات البيت
زمان:- كانت البنت المفروض متنزلش كتير والولد فى غياب الاب راجل البيت يعني يشتري كل احتياجات والدته دون تذمر!
دلوقتي:-
الام يطلع عينها من التحايل على الولد ينزل يجيب حاجة من البقال اللي
جنبهم حتى يرد ما تخلي فلانة تنزل ماهي قاعدة ما بتعملش حاجة.الام تقوله
يابني اختك المفروض ماتنزلش كتير ديه مهما كانت بنت والوقت متاخر.بنت يعني
ايه؟؟العو هياكلها مثلا؟ ولا الاشكيف مستنيها؟؟
ديه بنتك تخوف بلد. يابني انت المفروض راجل البيت..يرد وانتوا خليتوا فيها
راجل مش طالبتم بالمساواة؟يالا اشربوا عشان تبقوا تقولوا الراجل زى
الست.هى فى حاجات وحاجات لأ يعني؟؟حاجة غريبة اوي!!!
*نزول المرأة للعمل
زمان:- كانت المراة بتسعى من اجل حريتها واثبات ذاتها وكيانها ووجودها وكانت تتمنى النزول للعمل
دلوقتي:-
منه لله قاسم امين .هو اللى بهدلنا. هو اللى نزلنا الشغل و خلانا نتبهدل .
انا ايه اللى يخليني انزل واتبهدل فى المواصلات كده,, مش لو كنا قاعدين فى
بيوتنا كان يبقى اكرم لنا ؟؟!!!!كلام شباب اليومين دول للبنات
1- حبيبتى انتى عارفه انا مش بحب حركات الشباب الطايش انا اصلا مبكلمش بنات (وتلاقى طوب الارض يعرفه) 2-يااااه حاسس انى اعرفك من زمان(وهوتلاقيه متلخبط بينها وبين بنت كان يعرفها قبل كده) 3-يااه يا حبيبتى حاسس ان فيكى حاجه غريبه غير كل البنات (اكنها مثلا بتمشى على ايديها ورجليها ) 4-يااااااااااااه حاسس ان فى شبه كبير بين افكارى و افكارك احنا اكيد مخلوقين لبعض(طبعا دى البنت رقم 1000 اللى بيقولها كده اكن يا عينى بنات الدنيا شبهه) 5-ياااه انتى كنتى فين من زمان يا رتنى كنت عرفتك من زمان
6-يااه يا حبيبتى انتى تؤمرى وانا انفذ اللى انتى عايزاه اجبهولك(فى
المشمش) 7-حبيبتى الطقم اللى انتى لبساه ده تحفه بس متلبسهوش تانى عشان
بتبقى حلوه وانا بغيييييير بغيييييييييير (طبعا فاهمين الحركات دى مش محتاجه تعليق) 8-هكلم باباكى اول ماكون نفسى(موووووووووووت يا حمااااااااااار) 9-عايز اشوفك كل يوم كل ساعه كل ثانيه (عشان اصحابه يتأكدو انها حلوه) 10-حبيبتى افتكرى دايما انى لما بحب بحب بجد وانا حبيتك(الاسطوانه المعتاده) 11-انا علاقتى بيكى محدش يعرفها غيرى و غيرك و ربنا لانك بقيتى كل خصوصياتى (يعنى يا دوب اللى يعرفو اخواتى و اصحابى و جرانى وقاريبى وصحاب صحابى.....الخخخخ) 12-احتمال اسافر الاسبوع الجاى سويسرا ورثت عمتى (وهى عمته اصلا من كفر ابو بطيخ وماتت من 20 سنه) 13-انا كل عطورى من فرنسا (ايوه كلونيا خمس خمسات اللى انت بتحطها) 14-ياه لما بشوف رقمك على الموبيل قلبى بيتنفض(طبعا من الخضه انها تكون فأستك) 15-فلان قالى اديله رقمك بس انا قلتله اقتلنى قبل ماتاخد رقها منى (ياااااه على التضحيه وهى ياعينى رقمها مع مخاليق ربنا كلهم) 16-حبيبتى عايز صورتك عشان قبل مانام اتشاهد فى جمالك واحطها تحت المخده (لا وهو الصادق عشان لما تتخانقو يهددك بيها) 17-اسف يا حبيبتى امبارح مقدرتش اكلمك كنت مشغوووول فى الدراسه (قصده معهوش فلووس وكانت حالته كرب وما يتشافش وما كانش عايزك تشوفيه كده وهو فى الحاله دى) 18-اسف يا حبيبتى انى مقدرتش اجى فى المعاد امبارح كان عندى ظروف صعبه (معزور الولد افتكر معاد البنت التانيه اللى بقاله 3 اسابيع مأجلها) 19-عارفه يا حبيبتى انا طول الليل منمتش قاعد بفكر فيكى بس على ميين ترد عليه تقوله اومال مين اللى كان نايم و مبيردش على التليفون؟بس كالعاده الرد جاهز (ياااه انتى تقصدى الخمس دقايق اللى نمتهم دوول؟دول من كتر التفكير فيكى جالى غيبوبه) حركات البنات النص كوووم
1- كنت مع امي = ( يبقى كانت مش عايزه تكلمك )
2- بتحبيني قد ايه = ( ولا كأنها سمعت أساسا)
3- جاني عريس - (يبقى عايزاك تتزوجها )
4- موبايلي مش فيه رصيد = ( أشحن يا حبيب )
5- شويه واكلمك = ( فوت علينا بكره)
6- عايزه انام = ( تشّغل الشريحه الثانيه )
7- عايزاك في موضوع = ( يبقى أكيد عايزه سلف )
8- دقيقه هركب الشاحن = ( أقفل بقه أنته أيه )
9- اخويه جه في البيت = ( أتصل بأئه كفايه غرمتني.)
10-.احنا مش هينفع نكمل مع بعض(يبقي شافتلها شوفه تاني)
كلام شباب اليومين دول والمصطلحات الجامدة
يبدأ يوم الشباب عندما تتجمع (( العصابة ))
يعنى الشلة كل (( مورنينج )) عند (( ناصية الرمش )) وهى عبارة عن مكان
تتوافد إليه مجموعة من بنات النادى أو الجامعة معظمهم بنات (( إستبن ))
يعنى غير أصحابهم الآساسيين وكل بنت لها المصطلح الخاص بها
يعنى لو البنت حلوه يطلق عليها (( أوكشة )) (( فى الزيف )) يعنى فى الجون
ولو لابسة جزمة كعب عالى (( ألآستوك بيتوك )) أو
حتة (( شامبو )) يعنى ريحتها حلوة ومستحمية !!!
ولو البنت صغيرة يطلق عليها (( أووزى ))
ولو كانت البنت الاجمل فى الشلة يطلق عليها (( النتفة ))
أما لو كانت قبيحة الشكل تبقى
(( صندل مقطوع أو ضاربها طبنجة ))
ولو البنت تخينة تكون (( اتوبيس ))
ولو كانت غير متناسقة القوام او الملامح تسمى
(( سلعووه ))
ولو كانت لعوباً يطلق عليها (( هشكة ))
ولو كانت مرتبطة تبقى (( أوفسايد )) أو (( متشفرة)) والكارت بتاعها مع فلان !!!
ولو كانــت البنت سمـراء البشرة تسمى (( ضالمة من قارة افريقيا )) أو (( مزرقة ))
ولو كانت بنت من مكان شعبى تسمــى (( بيئة ))....
وعندما ترفض البنت المعاكسة تقول لمن يعاكسها ( يا خفة .. اية التهزير دة ... روح لمامتك يا بيبى ))
وممكن الحكاية تكون فى السليم وتقلب صحوبية وتقول للولد (( خلينا فى الفيوتشر )) ...
ولو الولد زهق (( اتخنق )) من البنت أو العكس يقولها (( سمعينى بودعك )) أو (( حديها الدبلة )) ....
وعندما تريد البنت معرفة رأى أصحابها فى (( البوى فريند )) بتاعها تعطية ميعاداً وتطلب من صديقاتها رأيهم بدون أن يعرف
(( الموكوس )) الغلبان .... خدوا بالكم يا شباب من المصطلحات اللى جاية دية للأهمية القصوى عندما تقول لها صديقتها انك
(( تاكسى )) يعنى انت لافف وداير وبتاع بنات ..
ولو قالت (( سكامونى )) يعنى جميل و أمور ...
(( ملسكوبيتش )) يعنى بخيل ...
(( شامورتى )) يعنى خنييق ..
(( توت فروت )) مظهرجى ...
(( خفشاوى )) غير واضح وهايف ...
(( شنيش )) يعنى لامؤخذة هفأ .. !!!
ولو الولد تعبان فى المذاكرة يعنى
(( جايب جاز والشراب هوى ومتخرتق )) !!!
وأكثر مصطلحات متداولة هذة الايام
(( العب باشكا )) يعنى العب على المكشوف !!
(( حطيت إيدى على البلف )) يعنى فهمت الموضوع !!!
(( أدعك الفانوس دلوقتى )) يعنى ممكن تمشى وترحل !!!
(( أرحلك )) أخرجك من الشلة !!
(( الجوند )) فلوس !!
(( مكيش القفف )) معاه فلوس كتير !!
(( يا صباح المظلات )) للمتقدمين للكليات العسكرية !!
(( فهمـى )) يعنى نفض وكبر الجمجمة !!!
(( أحلق )) طنش !!!
(( انت حتزاولنى )) انت حتشتغلنى !!!
(( مهييس )) عامل دماغ وطاير قووى !!!
(( يا صباح اللى بتغنى )) صباح الخير !!
(( يا مساء الليل )) يعنى يا مساء الخير !!!
(( فوكك )) سيبك من الموضوع دة !!!
(( أراك أمس )) يعنى مش عايز اشوفك تانى !!!
(( أحنا عيال قادرة وكفأة .. ودكتوراة فى الحداقة )) يعنى احنا شباب 100 / 100 !!!
(( كل معرفتى بيه .. هاى باى )) يعنى مش صاحبى قوى !!!
(( شوليطى . موليطى )) يعنى مش معايا فلووس .. مفلس !!
ومن مصطلحات الاغانى المنتشرة بكثرة هذة الايام الاتى :
(( انا رايح ألعب مع روبى )) يعنى انا رايح الجيم !!!
(( تعالوا نحصل ماريا )) تعالوا نلعب شوية !!
(( انت بتقلد روبى ؟ )) يعنى بتخبى وبتدارى !!
(( أنت كدة تعجب بوسى سمير )) يعنى انت حطيت النقط على الحرووف
لو عاوز تبقى كول؟؟؟
لو عاوز تبقا كول000شورلى امال وقول
خليك كده شب كول000اضرب عصير وفول
وان كنت هتنسا اسمى 00انا0اسمى0الشب غول
واستوب؟؟افهم اصول
اللعبه000دى تبقا ايه
متخفشى وقول بليز000راح تبقا ف اللذيذ
روح شارع عبعزيز000هتلاقى ناس كتير
والناس ديما هناك00مشتاقه تروح معاك
حلوان دير الملاك000وف شبرااستنا بيس
هنام هنا ع الرصيف000متكونشى امال خفيف
خد خف يا لولو دمك000شكلك كده واد ضعيف
ف الحر لابس تقيل00ومصيف ف الخريف
انا واد زينه الشباب000والشعر منى شاب
والجل فشعرى00حطو000طايش ومليش صحاب
توتو وهيثم صحابى000عايش عيشه هباب
لو عاوز تبقا صايع000محتار وكمان وضايع
اضرب000شعرك ف جلك000واخفا ف وسط البضايع
متقولشى انك تقيل000ولا واد نصاب وجايع
استب000بلاش خناق000وبلاش شغل الزواق
وان كنت ف شبرا ساكن00دنا واد ساكن بولاق
مولود 00جوه ف زقاق000
خد بالك000ماللى حاصل000متخفشى اناواد مناضل
بابى000يعرف يجيبك000مهو بابى اصلو واصل
غير شعرك ولونك000قوم سقط بنطلونك
وان جن ف يوم جنونك0000مش مسؤال على حاصل
منا قولت انا شاب كول0000مش باكل الا000فول
هتجينى هناك هقولك0000انا فاهم ف الاصول
ياتري احنا بقينا كدا فعلا !!!!!!!!!!!!!!!!!!!!!!!!!!!!
يارب يكون عجبكم الموضوع[
موضوع: شباب اليومين دول_ادخل شوف بنفسك 
