استنى شويه
[/center]
استنى يا قلبى شوية
اهدا و اصبر عليا
استنى شويه عليا
اهدا واصبر وااتانى
اوعاك يوم تستنى
حد يقولك حبيتك
من جوا قلبى هويتك
ولا مرة تصدق كلامه
اوعاك تعيش فى اوهامة
اصحى وركز وفوق
عشان خاطرى بص فوق
بص مرة قدامك
اصحى من اوهامك
مهما يقول اوعى تصدق
انا داه عندى مبدأ
اهدا و استنى شوية
حرام تعمل كدة فيا
داه انا ياما شربت الاسية
من ناس كتير
و ما شفت يوم حنيه
افتكر ذنبى انى حبيت
وفى شباك الهوى طبيت
هو الحب حرام
ولا العشق اوهام
ولاداه كان كله كلام
اتقال ومالهوش لزوم
وان لومته يقول مظلوم
ما ظلمتش حد افتكر يوم
داه كل اللى ها يقوله
مش هاتاخد منها حاجة
لوعملت لها كل حاجة
داه عندها مبدأ
اللى يديها حاجة عمره
ماياخد منها حاجة
داه مبدائها فى الحياة
داه يومها اللى هى عايشاه
وكل اللى مفكرة انها فاكراة:
انها مظلومة
ومن الحنية محرومة
ماحدش خد ايديها
وعلى النور فتح عينيها
بس خلاص مابقاش ليها حجة تانيه
هاتقول ايه ولا تعمل ايه
كل حاجة ظهرت وبانت
عرفت هى مين
بس داه كان كله مستخبى فين
المرة دى مش مظلومة
لازم تكون مهمومه
بانها مش مظلومة
بس الفضل فى داه كله ليا
انا اللى علمتها الحنية
نسيتها الكره و الانانيه
اللى عرفتها من خبرتها الاولانية
تروح تدور على الاولانى
اللى علمها كده ونساها التانى
اللى الفضل كان كله ليه
عرفها الدنيا على حقيقتها ايه
معزورة لسه الخوف الاولانى ماثر فيها
لسه خايفة تفتح عينيها
وتشوف الدنيا واللى عملته فيها
شكلها بقى عامل ازاى
عجوزة قبل الاوان
كبرت قبل مايمر بيها الزمان
هى اللى عملت فى نفسها كده
وان كلمتها تقول
وانت مالك .مبسوطة وانا كدة
هى كده وعايزة كدة
خلاص خليها زى ماهى كدة
ماتتغيرش لو اتغير الزمان
محلك سر فى مكانها واقفة
هاتتنيها كده واقفة
مستنية القطر اللى فات
من ادامها
نده عليها بس ياخسارة سدت ودانها
عملت نفسها مش سامعاة ؟ يمكن
طب حتى مش شايفاة؟
يمكن تكون مطنشاه
بس خلاص القطر مشى
راح عند محطة تانتية ورسى
واقف مستنى واحدة جديدة
ينده عليها
وتجيب نداه
هو داه كل مناه
هاتيجى فى ميعادها
مابتتاخرشى ثانية عن ميعادها
خايفة لالقطر يفوتها
يمشى يروح ويسيبها
لواحده تانيه غيرها
تحس بيه وياخد بايدها
تسافر معاه
وتبقى كل دنياه
ياه ع الدنيا دى ياه
تشوف ناس تتوجع وماتقول اه
كاتمه كل اللى جواها
حابسه حزنها وشكاها
وشجنها وبكاها كله جواها
هى الدنيا كده
تروح لها كده
تيجى لك كده
تلاعبك وتلعب بيك
تضحكك وتضحك عليك
يوم تفرحك وعشرة تبكيك
تفرح لما تشوف دموع عينيك
هى الدنيا وهى كده
طول عمرها معروفة بكده
هى كده مالهاش امان
ماتحسش نفسك معاها فى امان
هى الدنيا هى دى الحياه
لازم كل يوم تشكى وتقول الاه
يادنيا اه ياحياه
موضوع: استنى يا قلبى شويه 