[center]مســــــــــــــــــاء الخيراااتـ
كيــــفكـــم انشالله بخيـــــــــــــر ..
هذي روايه قريتها باحد المنتديات ..
واعجبتني .. واتمنى انها بعد تعجبكم ...
يلــــــــــــهـ بسم الله نبدأ
.................................................. ...............................
الجزء الاول ...
حبي لك ... ليس الا انتقام ..
للكاتبه : .. هنوف الحــــــــــــــــــــــــب ..
&&&&&
هذه رواية تدور احداثها ..
حول معنى الانتقام ..
والشر والحقد بين النفس البشريه ..
الحقد .. الانتقام .. الكراهيه ..
.. تدور حولها احداث روايتي هذه ..
ولكن مداااام .. هنالك شيء
يجبرنا على نسيان كل هذه الاحقاد ..
فأنه ...
الحـــــــب
والشوق ..
الحنان
المناجاه
واحترام الطرف الاخر ..
.................
ولم اجد لهذه الروايه غير ..
ان اسميها ..
باسم .. تعبر عنه بجد ..
لانها بكل حق وحقيقه ..
تدور حول معنى الانتقام بين الناس
في هذا الكون ..
اسمها .. حبي لك ليس الا انتقام ..
سوف استخدمه لروايتي الاولى اللتي اتمنى ان
تنال اعجابكم ..
اللذي اطمح بالوصول اليه ..
انا لن اتحدث عن شخصيات روايتي ..
لكي تعرفوهم وتعرفون نقاط ضعفهم ..
ونقاط قوتهم ..
وماذا يكرهون ..
وماذا يحبون ..
لن اقول شئ من ذلك
بل سوف تعرفونه لوحدكم ..
واحب ان اقول لكم
ان القلب اللذي يحمل مشاعر متضاربه ..
يريد ان يكابر ولكن .. !!!!!
لايستطيع !!!!
يريد العوده لطبيعته ولكن محال ..
لا يستطيع ..
هذه بعض من شخصيات روايتي ..
وبعض منهم يضحي بكل مايملك
ولـــكـــن
بالمقابل لاشيء سوى
الكره والغضب من قبل الاخرين ..
اترككم معها واتمنى ان تنال إعجابكم ..
اختكم ..
هنوف الحب
*************************
.. بنصف الليل الساعه 12.. السماء كانت مليئة بالنجوم وضوء القمر
الساطع غطى على ضؤها .. كان تركي جالس على الكنبه بجنب
المسبح اللي أنعكس عليه القمر فأعطى المكان جمال ورونق وجو
رومانسي ومع الهدوء الذي سكن باعماق بالبيت
من عشرين سنه ..
كانت السيجاره تشتعل بين اصابع يده التفت يمينه شاف كل شي ماتغير مثل ماهو
يبي واكثر .. التفت شماله شاف صورته هو وامه وابوه .. اخذ الصوره ..
يطالع بالصورة يحركها يمين وشمال وصارت الذكريات تجيه من
كل مكان كانت له ذكرى فيه مع امه وابوه ..
كان يتذكر كييف كان ابوه أحن شخص عليه بالدنيا ..
كيف مدى عطفه وحنانه عليه .. يتذكر كلام امه صوتها ضحكها كل شي فيها ..
ابتسم تركي بهدؤ على الذكريات اللي صار له سنين مو حاط لها مكان
في باله ... بس اليوم غير!!!.. هو بالسعوديه .. بالرياض ..
ببيت الطفوله .......
فجأه ........ صار يتذكر عمه بملامحه القاسيه وهو يهاوش أبوه
على المال اللي ضاع بسبب صفقه عقدها وكانت مو رابحه ...
تركي وهو يتذكر كل الأحداث
حس بكرهه لعمه وحقده له .. يتمنى يذبحه يأخذ ثار أغلى
ناسه منه ... عمه اللي المفروض يكون الظهر اللي يستند عليه لكن من بعد
حركته .. بين له انه هو عدوه .. عدوه اللي حرمه شوفة امه وابوه ويتربى
بينهم .. صار يتيم بدنياه والسبب عمه اخو ابوه
ابتسم بألم .. وطالع بالسماء اللي بان فيها .. لمحة شهاب .. : والله ثم والله ياعبدالعزيز ماتبرد النار اللي داخلي .. الا بدمك ..
ــــ : تروووك ..
تركي مارد عليه ..
ـــ : اوهوووووووووه .. الاخ يحلم احلام اليقظه ؟!
تركي ألتفت على خالد صديق عمره اللي عمره ماحسسه بيتمه وحاجته لاي شخص
خالد هذا ابن حارس وفلاح الفله اللي بالرياض خالد طول عمره وهو وياه يأكل
معاه ينام معاه كل دقيقه عاشها كانوا مع بعض .....
خالد وهو يطالع بالصوره وعرف أن تركي راح يستعيد ذكرياته وجنون الانتقام اللي مجننه بكل دقيقه بلندن ..
احب يغير الموضوع وينسيه بعصبيه مصطنعه وهو يتنهد :
أيوه كبرتوا علينا ..!! حتى الدرد ماتردون علينا بس شنسوي الله لنا ..
تركي وهو ابتسم : هههه يااااااااااااربي أنت ليش ملقوف وبعدين كيفي أرد ولا مارد .. انا حر ؟؟
خالد : طيب يالله عندي لك حل .. خل نروووح ندور بأحياء الرياض أوريك المعالم التراثيه ببلدنا ..
تركي وهو يضحك : خيير وش شايفني احد هالخواجات وبعدين أي
معالم بنص الليل ... هاه .؟؟!!
خالد يضرب راسه : يووووووه نسييت ...... انا بالليل ..
تركي : انت عسى ماتنسى نفسك ... ألا أقول وين بدر ..
خالد : لا . تسأل عن بدر والله لو تشوفه لتموت عليه من الضحك ..
تركي : لييييييش .. شمسوي هالمره ..لا يكون طايح قصة حب مع أحد هالخدامات .. والله لاذبحه لو كان مسويها ..
خالد : لااااااا ... شي ثاني ماتتوقعه
تركي وهو يطفي السيجاره ويوقف : أجل وش قاعد يسوي ؟!
خالد : الله يسلمك بدر طايح بكي مع فيلم رومنسي ....
تركي بتعجب : والله .!!!
خالد : والله .. – ضربه مع كتفه – بالله عليك انا اكذب الشرهه علي انا اللي جاريتك ..
تركي : هههههههه
وراح على طول علشان مايفوته مشهد بدر لانه نادرا مايكون بهاللحاله ..
*************************
ام مشاعل : مشاعل يمه انتبهي لعبدالله طيب ..
مشاعل وهي منسجمه مع التلفزيون : طيب .
ابو مشاعل : يالله الساعه 12 بسرعه بتفوتنا الطياره .
مشاعل أول ماسمعت كلمة الطياره تركت الريموت ووقفت وتخصرت:
يسلاااااااااااااااااااااااااام يعني قررتوا تسافرون ...
ام مشاعل : والله اتمنى ياقلبي اقعد معك بس شسوي ابوك يقول لازم نسوي عيد زواجنا في سويسرا .....
مشاعل نزلت راسها وخصلات شعرها تطيح على وجهها تتكلم
بدلع: بابا طيب مايصلح نروح وياكم .
ابو مشاعل : لا مايصلح اجلسي بالبيت كلها اسبوع وراجعين طيب
مشاعل وهي تهز يدها بضيقه : أوكي ....
ابو مشاعل باس خدها : تعجبني بنتي الأموره المطيعه ..
مشاعل وهي تبعد ابوها عنها : يبه أنا عمري 18يعني كبيره لاتقول اموره خلاص كبرت ..
ابو مشاعل : لا ماكبرتي انتي بنظري تو عمرك خمس سنوات .
ام مشاعل وهي تبوس خد عبدالله بهدؤ وهو نايم : مشاعل انتبهي على عبودي ..
مشاعل وهي تضرب صدرها بيدها : لاتوصين حريص انا معاه . بس ماوصيكم ابي الهدايا هالمره كثييييييره وحلوه اوكي لأني راح اوريها
للبنات واحر بنات خالي بالذات ..
ام مشاعل : الله يهديك وش فيك عليهم ..
مشاعل : كذا احب ارفع ضغطهم .. وبيني وبينك يحسون انفسهم شي وهم ولا شي
ام مشاعل : بطلي غرور .. خلاص انتي اللحين بتدخلين الجامعه وانتي على هالتفكير ..
بو مشاعل : بس تامرين امر والله لجيب لك هدايا كل البنات ينجنون
عليها .. وخصوصا بنات خالك .. كم مشاعل انا عندي
ام مشاعل : طييييييييب....يالله تأخرنا
طلعوا بو مشاعل وأمها .... وراحوا للمطار وتركوا مشاعل واخوها ببتهم الكبير ..
بكره عيد ميلاد زواجهم
مشاعل كان في قلبها هم .. تحس بيصير شي غريب بس ماتدري وشو
اخذت عبدالله وشالته لغرفتها ..
حطته على السرير وفتحت صندوق صغير مزين بالأحجار الكريمه
وزادها جمال ألوانه الغريبه الصارخه ...
عدلت جلستها على الكنبه فتحته وطاحت كل الأوراق الموجوده فيه
بحجرها اخذت الأوراق وشغلت الاستريو على اغنية شيرين على بالي وصارت تقراها بهدؤ :
مساء الورد ... مساء الحب يأجمل من في الوجود
يامن اخذتي قلبي ولم ارك .....
انتي يامن سحرتني برقة اسلوبك
وعذوبة كلامك ..... اعرف !!
قد تقولين بأني كاذب ولكن انا اقول
واعبر عمى يدور في داخلي لك ..
انتي قد تستغربين من كلامي ..
لأني لم ارك... ولكن ...!!!
بعد ما اصبحنا نتراسل بالبريد العادي
اكتشفت أنك انسانة حساسه وهادئه وايضا طيبه ..
ولم اكذب عليك بشيء ...
فقط لم اخبرك بأسمي
ولن اخبرك وارجوا منك أن تسامحيني على ذلك ..
. أود أن أخبرك أنا لست فتى غنيا ولست فقيرا ....
ولكن ...!!! اتمنى ان اكون ولو جزء بسيطاً ممن تحلمين به
هل تعلمين لا أعرف ماذا اكتب ماذا اريد
لقد نسيت كل شيء ...
اعلم أنك سوف تبتسمين على ماكتبته
وتعلمين بأنه ليس هناك شيئ جديد ... ولكن ...
بدافع الحب لكي اصبحت لا أعرف شيئا ....
أحبك أحبك أحبك
لأخر يوم بحياتي
ليتني ممن يكتبون الشعر لكي اغرقك بكلماتي واشعاري ....
كم اتمنى أن أقول لكي عما يدور في خاطري ...
لكن لا استطيع ..
آآآآه ... لكم تمنيت من كلمه اقولها لك وحدك ولم يسبقني بها أحد
من العشاق ....
لكن ماعساي اقول ...
إلى اللقاء
ياحبيبة قلبي ..
اقبلي تحياتي :: ستيفن ..
ارسلها لـك :: جيسكا ..
*************
مشاعل صارت تطاالع بالورق وتبتسم هي وستيفن على علاقه اكثر من
سنتين لكن هي ماتعرف عنه شي وهو مايعرف عنها شي ...
بس أنه سعودي وهي سعوديه .... والمشاعر المتبادله بيناتهم..
مشاعل اخذها التفكير بستيفن لبعيــــــــد ....
قطع حبل افكارها عبد الله يبكي مشاعل وهي تدخل الأوراق
بالصندوق وترجعه لمكانه ...
راحت اخذت عبدالله وضمته ونام بحجرها مشاعل ماقدرت تتحمل نوبة
النعاس اللي انتابتها فجأه ونامت ..
بدر وهو يرقص على الطاوله : واااااااااااااااااااو ياناس مادونا
ولاأروع بنت اللذين ألعن أمها عليها رقص عليها جماهير عليها هبال تعجبني ..... هالمخلوقه .. احبهاااااااااااا
خالد وهو يكتب : نفسي اعرف انت وش شايف فيها ..
بدر : أصلا من يوم ماعرفتك وأنتا ماتحب احد ... كل الناس تكرهم .
خالد : حرام عليك تراك ظالم .
بدر يقصر على صوت التلفزيون : أقول بلا فلسفه .. وين تروك .. ؟؟
خالد وهو غرقان بالكتابه .. وبضيق : مادري ؟؟
بدر ينزل من على الطاوله : بروح ادور عليه اللحين لاتجيه حاله نفسيه والسبب هالانتقام .
خالد : ياليت تبعد عنه هالتفكير صار مجنون من كثر مايفكر في عمه
بدر : اوكي اذا ماخليته ينسى اللي خلفوه ماكون بدر ..
خالد هز راسه .. وابتسم على بدر ..
بدر طلع لدور الثاني شاف باب احد الغرف مفتوح مشى للباب بنيته انه يسكره (( يكره الابواب المفتوحه ))
شاف تركي وهو جالس على الارض وقدامه أوراق كثيره ..
كان شكله غريب بالنسبه له ماعمره شاف تركي بهالشكل .
طلع جواله على طول وصوره ..
تركي انتبه لبدر اللي صار يضحك : بدر تعاااااااااال بسرعه .
بدر ببرود ودلع : خير فيه شي ..؟؟
تركي بعدم صبر : تعال بسرعه .
بدر : لاا . تبغى تاخذ الجوال تمسح الصور مستحيل قول من هنا اسمعك ..
تركي : بدر تعال والله ماأمسك الجوال .. تعال .. شوف الصوره
بدر انسان فضولي يذبحه شي اسمه فضول مشى عند تركي ودخل الجوال بجيبه : وش عندك .؟؟
تركي : شوف ابوي .. اشبه له
بدر : واااااااو روعه ابوك هذا كششششخه ... – بدر شدته الميداليه اللي كانت على رقبة ابو تركي – هذي الميداليه نفس اللي عندك
تركي وهو يلعب بها : اصلا هي منه
(( شاف تحت الأوراق صوره )) : اقول تركي من هذول .. ؟؟
تركي على طول شاف الصوره واخذها وطالع بصوره وعبس بوجهه
كان بالصوره ثلاث اشخاص كلهم بين عليهم الثراء والسعاده والحب
بينهم ...
بدر بفضول : صور مين ؟؟
تركي وهو يأشر على واحد بين من شكله أنه طيوب وبريء : هذا أبوي الله يرحمه ..(( وأشر على الرجال الثاني كان لابس بدله رسميه)
هذا صديق أبوي .. محمد . وهذا ..(( عبس بوجهه زياده ونطق الكلمه وكانت ثقيله على لسانه )) هذا .. عمي عبدالعزيز ..
بدر ندم أنه سأل تركي من اللي بالصوره لأنه باين عليه قد أيش هو متضايق من سؤاله عن الأشخاص وخصوصا عن عمه قطع تفكيره
تركي بحماس : بدر ؟؟
بدر وهو يجلس على الكنبه القريبه : هلا
تركي يطالع ببدر بنظرات شيطانيه : بدر شرايك اليوم
بدر يطالع تركي بنفس نظراته لأنه فهم عليه أكيد شي شيطاني في
باله : وشو اللي شرايي ... ؟؟؟
تركي : شرايك أروح لبيت عمي ....
بدر وكان احد اعطاه كف .. انصدم من حركة تركي معاه معقوله تركي بيقابل عمه
.. هذا اقل شي بيكون بينهم .. طلق بالنار ..تركي حاقد على عمه ويبيني
اروووح معه بدر بتردد : شتسوي هناك
تركي : نرووح نسرق بيتهم نخطف زوجته أيا كان اهم شي ادخل بيته
بدر حس بفضولية تركي : طيب بس ياذكي تدل البيت ...
تركي بحماس وبيده ورقه : هذا الوصف لبيته .
بدر وهو يتنهد : يالله تصدق انت عبقري ... ياهوه انت اصحى
يمكن يكونون غيروا البيت .. ألا أكيد غيروه عيال نعمه وماتبيهم
يغيرونه هالوصف تلقاه لأكثرمن 20 سنه ..
تركي بإصرار .: شعرفك يالذكي ممكن ماغيروه ....
بدر بيأس : ياااااااااااااااااربي تركي أنا نفسي اعرف انت
بايش تفكر بركبتك !!
تركي : يألله منك يابدر حطمتني ...
بدر : ماحطمتك بس هذا الواقع وبعدين أنت تعرفني صريح وماعندي
شي بمعجمي اسمه مجاملات ...
خالد بفضول :وش القصه اصواتكم واصله لأخر الشارع .
بدر بحماس : طالع هذا شيقول بيروح يسوي مفاجأه لعمه ببيتهم
(( سحب الورقه من يد تركي )) وبأيش يرووح بوصف صار له أكثر
من 20 سنه ....
خالد : ههههههههههههههههههههه تبي تروح لعمك وأنتا تكرهه
الله ياتركي .
تركي بإصرار ..: لازم ارووح فاهمين ابي ارووح اللحين لو يطلب حياتي ..
خالد حس بان الليله ماراح تمر على خير : تركي .. انت عارف انت وش تقول ..
وبعدين بيني وبينك .. تونا واصلين اليوم خل نرتاح والصباح رباح ..
تركي : انا ابي ارووح لبيته الليله .. ياناس والله ماقدر اتحمل .. انا
فيني نار تشتعل جوا قلبي وانتوا ولا على بالكم حسوا فيني .. عبدالعزيز هذا
بهدم حياته بقلبها فوق تحت ماراح اذبحه انا بعذبه بعذبه بغاليه ..
بدر وخالد خافوا لانهم عارفين إذا دخل تركي براسه شي لازم يسويه
تركي جاته فكره : شباب شرايكم اروح لابوك ياخالد هو يعرف كل
السالفه ومافيها شرايك اروح اسال ابوك على اني ابي اسلم عليه وبعدين ماتوقع انه مايعرف البيت وش رايكم
بدر عجبته فكرة تركي : يالهش
تركي وبدر على طول راحوا يركضون لتحت
وخالد يطالعهم ويضحك عليهم اللي بيشوف تركي واصراره على شوف عمه مايصدق كلامه عن عمه هناك : اوووه اثر الاجواء تغير الاطباع
اجل موطالعين من السعوديه ..
راح نزل وراهم
تركي : شرايك ياعم ..
ابوخالد بتردد : والله ياولدي مادري شقول لك بس ..
بدر بخبث : ياعم لا بس ولا غيرها واحد يبي يشوف عمه تحرمونه ..
والله حرام
خالد : ايه تكفى وين بيتهم يبه .. تركي يبي يشوف عمه الوحيد والحبيب على قلبه ..
اول ماقال خالد هالكلام التفت عليه تركي وطالعه بنظرات قاتله .. يبي يذبحه
(( والله ماعاد الا هي عبدالعزيز اشتاق له .. ماشتقت لغير ريحة دمه وعذابه
))
بوخالد وهو يتنهد : بعطيكم بس على شرط ماتغلط على عمك ياتركي
تركي تضايق من كلام بو خالد بس ماحب يجرحه لانه مهما كان هو بمثابة ابوه : ابشر ياعم ..
بدر وهو يطلع ورقه من جيبه : ايوه قول .
خالد وتركي باستغراب : بدر .!!!!!!!!!!!!!!!!!!!!!!
بدر : نعم .؟؟!!
خالد وهو يطالع بالورقه مع بدر بستغراب : من متى وانتا تشيل اوراق واقلام بجيبك ؟؟
تركي : انت بالجامعه ماتجيب اقلام وحتى الملازم تنساها صراحه هذي
بالنسبه لي احد عجائب الدنيا السبع .
بدر بتفلسف : يالأذكياء .. جبتها معي علشان اكتب الوصف البيت يعني ظنكم بنحفظه اكييد لاا الاوراق هنا تساعد ..
خالد يطالع بتركي مستغرب : عساه دوم مو يوم ..
اخذوا من ابوخالد وصف البيت ....
تركي على طول ركب سيارته همر اسود ... خالد بجنبه وبدر ورى
وصلوا لبيت عبدالعزيز .. بدون أي جهد ..
بهاللحظات .. حاولوا انكم تحسون باحساس تركي ..
كان طاير من الفرحه .. واخيرا بيحقق ولو جزء بيسيط من اللي ياما حلمه
بدنياه .. بيحقق جزء من خطة الثار اللي يرسمها من كان عمره 15 سنه ..
تركي .. كان غير عن كل الشباب اللي بسنه .. كان يتميز بذكأه الغير معهود
بهذاك العمر .. تركي .. عمره 25 سنه يشتغل بأدارة الاعمال .. تركي كان من
بداية عمره وكان حاط هدفه مابين عيونه يطالع الله ثم هالهدف .. الانتقام
الثار ..
تركي .. كان بين امه وابوه .. وفجأه من غير مقدمات اختفوا من حياته ..
بعدها بأيام جاه اتصال يقول ان القاتل هو عمه .. بس اللي كان يقهر ..
ماكان عارف من المتصل ..
تركي يحط يده على الدركسون ويطالع بالبيت بحقد ويبتسم بخبث : والله لانسسيك حليب امك .. ياعبدالعزيز
بدر : يلله اتوقع كلهم نايمين ..
خالد باستغراب وهو يطالع بتركي وبدر .: هيه شتسوون .. لايكون
تركي اجاب على سؤال خالد بابتسامه خبيثه ونزل من السياره
بدر : هيه خالد لاتصير جبان انزل وخل نشوف النهايه معاه ..
خالد : طيب لو شافنا عمه ... والله ليذبحنا ...
تركي : اتحدااااه انا مو عبدالله .. انا تركي ..
بدر : ياخي انت شايف نفسك ..
تركي : ابتسم واستند على السياره : يحق لي ..
بدر بحمااااااس : طيب تركي عمك عنده عيال ..
تركي : لااااااا مرته اذكر انها ماتنجب ...((بعصبيه )) طيب شتستنون ...يالله
نزل بدر وخالد من السياره ....
بدر بما أنه يطالع افلام اكشن كثيير كان اول من حب انه يطلع فوق السور ..
خالد : تركي هناك باب ..
تركي وهو ماسك بدر : والله .
شاف تركي الباب مفتوح ترك بدر وراح لعند الباب .
\ بدر وهو متعلق بالسور : طيييييييييب ياتروك تتركني على هالحال ؟؟
تركي دخل من الباب وشاف البواب يطالع بالتلفزيون ... ومعطيهم
ظهره ..
تركي : اوكي بندخل من هنا بدون مايحس اوكي .
بدر :بس البواب .. اصلا مامعنا لامنوم أوحبال ..
خالد :انت mbc اكشن اثرت عليك وبزياده .. احب اقولك الافلام خطر على اشكالك
بدر : الله الله شوفوا من بيتكلم ..
تركي : بس بلا حركات مراهقه ..
قاطعه بدر : اخس ياكبير ..
تركي كمل وماهمه كلام بدر : بنمشي من ورى وإذا قال شي لعنت خيره ..
بدر : اخس ياقوي ..
خالد : اقول اسكت ... ازعجتنا باخسك هذي ..
تركي : يعني انتوا زي الديك والجني .. ماتجلسون بمكان الاوتتهاوشون ..
بدر : هو اللي بدا ..
تركي : انا بدخل واللي مايبي كيفه .. يله بسم الله ...
بدر وخالد : يله ..
مشا تركي من عند الحارس ..
وخالد وراه ومرت على خيير .....
بدر وهو يمشي فضوله ذبحه لازم يعرف البواب اييش جالس يطالع؟؟
لف يطالع اللي يطالعه البواب كان يطالع فيلم ينجن عليه واللي اول مره يعرض على هالقناه
بدر استند على الباب اللي بيطلع معه : بتموت البطله ؟؟؟!!!!!!!
البواب برعب : أنتا مين ياواد ..
بدر استوعب أنه يكلم البواب اللي مناحشين منه : أممم أنا ..
لف يطالع تركي وخالد ماسكين راسهم ... وتركي حييل معصب ..
بدر بكل ثقه : أنا البدي قارد .. للمدام ..
البواب : طيب كيف أتاأكد أنه أنتا البادي قارد للأنسه .
بدر برتباك : أممم أناااااا
دخل تركي وكان من حسن الحظ أن ذوقه انقذهم تركي كان يحب اللون
الأسود كان بنطلونه أسود وتي شيرت لونها أسود وخصلات شعره
الأسودالمتطايحه على عيونه العسليه اعطته شكل ولا كأنه سعودي
كأنه أحد نجوم هليوود .....
البواب : يااااااااابووي دنتا مين كماان ..( بالصعيدي)
تركي : بثقه أنتا البواب .... – رفع حاجبه – أنتا مصطفى سعيد صح
البواب بخوف واستغراب : أيوه ياسعدة الباشا
تركي بفرح : أيوه اهلا يامصطفى كيفك تمام والله السيد عبدالعزيز
يتكلم عنك كثير عن اخلاقك وشخصيتك القويه وذكائك .. صراحه انت من احسن الرجال اللي عنده
البواب بفرح : ايوه ياسيدي دنا قدها وقدود .. طب ممكن ياسعدة الباشا سؤال كده صغير يعني ... مين حدرتك ..؟؟؟؟
تركي : أنااااا ... أنا خالد بدر .. رئيس البدي قارد .
البواب : تشرفنا ... عاوز شاي
تركي :لا لا شكرا .. شكرا ..
بدر وهو يطالع بتركي مو قادر يمسك نفسه يبي يضحك
تركي وهو يسحب بدر(( لانه عارفه لو جلسوا دقيقه ثانيه راح ينكفشون)) : يالله ورانا شغل .... سلام .
البواب : سلام ياسعدة الباشاا.. الله يحفظك وينور لك طريقك ..
بدر بعد مادخلوا ماااااااااااات من الضحك رجوله ماهي قادره تشيله .
تركي بعد مادخلوا : الله يفضحك ... هذا اللي شاطر فيه الضحك وبس
خالد وهو يقلد بدر : بتموت البطله . الله يقلعك .
بدر ودموعه طلعت من الضحك : هههههههه ههههههههه بالله
شرايكم اكشن صح ..
خالد : اكشن بعينك ..... بغيت تفضحنا الله يفضحك .
تركي : يله شباب ...
بدر : اقول تركي كيف عرفت اسمه ؟؟؟؟
تركي : من البروش اللي على ملابسه
بدر : صراحه افتخر بصداقة واحدعبقري
تركي : مو من الذكاء اللي عندي بس من الغباء اللي عليك انت ويا هالصعيدي ..
************[left]
موضوع: حبى لك ليس الا انتقام 
